ഈറന്‍ നിലാവും ഈ പൂങ്കിനവും
ഓര്‍മ്മകളിലെയെന്നെ വിളിച്ചുണര്‍ത്തി
കാലം മായ്ചൊരീ ഓര്‍മ്മതന്‍ചെപ്പുമായ്
നില്‍ക്കുന്നു ഞാനീ വീഥിയില്‍ ഏകനായ്...
അര്‍ദ്ധപ്രാണന്‍ എരിഞ്ഞൊടുങ്ങിയ
ഈ ജീവിതവീഥിയിലേകനായ് ..
എങ്ങുനിന്നോ അലയടിചൊഴുകി
വന്നെന്‍കാതില്‍ തലോടിയാ-
ക്കുയില്‍പ്പാട്ടുമൂന്നിപ്പിടിച്ചു ഞാന്‍
വഴുതിവീണെന്‍ ഓര്‍മ്മതന്‍ ചെപ്പില്‍
മഴനനഞ്ഞും തൊടിയിലോടിക്കളിച്ചും
പൂമൊട്ടിറുത്തും പൂപ്പാട്ടുപാടിയും
അമ്മതന്‍ ഓരം പറ്റിനിന്നൊരാ-
മലര്‍വസന്തമാമെന്‍ ബാല്യവും ....
എന്‍ഹൃത്തില്‍ അലയടിച്ചുറഞ്ഞുപോയൊരാ-
നഷ്ട്ടപ്രണയം അലതല്ലുമെന്‍ കൗമാരവും ...
തല്ലിപ്പിരിഞ്ഞും കലഹിച്ചും
കഴിച്ചുകൂട്ടുമീ യൗവനവും....
കാലമെന്‍ കയ്യില്‍ തന്നിട്ടുപോയൊരീ..
പളുങ്ക്പത്രവുമെണ്ണിപ്പിടിച്ചു
നില്‍ക്കുന്നു ഞാനീ രാവില്‍ ....
ജീവിതവീഥിയില്‍ ഏകനായ് ....
